A N Jagannadha Sarma kadhalu

Description

చిన్న కథలకు కళింగాంధ్ర పెట్టింది పేరు. కొండను అద్దంలో కొంచెం గా చూపించడం అక్కడి రచయితలకు అలవాటు. ఇది ఆ రచయితలకు అంబలితోనూ, ఆవకాయతోనూ అలవడిన విద్య. ఆ కోవలోనివారే ప్రముఖ పాత్రికేయులు, కథా రచయిత అయలసోమయాజులు నీలకంఠేశ్వర జగన్నాథశర్మ. ఉద్యమ నేపథ్యంలో రాసినా, మధ్యతరగతి మంటల గురించి రాసినా జగన్నాథశర్మ కథలన్నిటా కనిపించే బొమ్మ, వినిపించే గొంతు బాధే! ఈ కథల్లో వెలుగులు ఉండవు. వెన్నెలలు ఉండవు. చీకటి లోయలూ, ఆకలికేకలే ఉంటాయి. కన్నీళ్లు కత్తులై ఝుళిపిస్తాయి.

ఒకనాటి కళింగాంధ్ర కన్నీటి తడిని స్పృశించేందుకు ఈ కథలు పదేపదే చదవాలి. అగ్రహారం మాటున అణగిపోయిన ఒకానొక సామాజిక వర్గం నెత్తుటి దీపాన్ని చూడాలంటే ఈ కథలను ఆకళింపు చేసుకోవాలి. దోసెడు కన్నీళ్ళతో పాఠకజన నీరాజనాలు అందుకున్న జగన్నాథశర్మ కథలు చదవడం సరదా ఎంతమాత్రమూ కాదు, అదొక సాహసం.