Prasiddha Pashchatya Sangeethakarula Jeevitalu

Description

మనకు నచ్చిన పని చేయడంలో మహానందముంది. గొథే, ప్రాపర్టియస్, కీట్స్, ప్రపంచ కవులు, ఉర్దూ కవులు వీళ్ళందరి మీదా పుస్తకాలు రాశాను. వ్యాసాలు రాశాను. ఓ సందర్భంలో బిథోవిన్ జీవితం గురించి చదివి ఆశ్చర్యపోయాను. పసితనంలో ఆయా బాధలు, ముప్పయ్యేళ్లకే ఆయన వినికిడి జ్ఞానం కోల్పోవడం ఆ మహా సంగీతకారుడి సృష్టి వెనక ఉన్న అనంత దుఃఖం నన్ను ఆకట్టుకుంది.

ఆ క్రమంలో పాశ్చాత్య సంగీతకారుల జీవితాల గురించి తెలుసుకోవాలన్న ఆసక్తి కలిగింది. ఎన్నో పుస్తకాలు సేకరించాను. ఎన్ సైక్లో పీడియాలు పరిశీలించాను. సున్నితమైన, సుకుమారమయిన సంగీతం వెనక ఊహకందని బాధలు చూసి కన్నీళ్ళ పర్యంతమయ్యాను. అసాధారణ జీవితాలే నన్ను ఆకర్షించాయి. ఆ జీవితాల్ని ఆవిష్కరించే ప్రయత్నమిది. నా ఆనందాన్ని పంచుకోవాలనుకున్నాను. ఫలితం ఈ పుస్తకం.

- సౌభాగ్య