Tholubommalata

Description

ఈ కథల్లో నాస్టాల్జియా ఉంది. జీవన సంఘర్షణ ఉంది. అలనాటి స్వచ్చత, అమాయకత్వం కూడా ఉన్నాయి. నిరాడంబరత, సూటిగా, సరళంగా ఉండటం కనిపిస్తుంది. నిరంతరం చిరునవ్వుతో ఉండే కుమార్ వ్యక్తిత్వం కూడా అతని రచనలలో ప్రతిభింబిస్తూంది.

ఈ ఆరు కథలు నాకు ఈ క్షణంలో అమృత సమానంగా అనిపించాయి. మెలోడ్రామాలు చదివి చదివి మొహంమొత్తిన నాకు ఈ కథలు ఆరు మందారరేకులై నా చెక్కిళ్ళను నిమిరినట్లు అనిపించాయి. మనిషిని, మంచిని సమర్ధించారు కుమార్ గారు. అది నాకు నచ్చింది.

అనేక భావోద్వేగాలను ఆవిష్కరించే సుప్రయత్నం ఈ కథల్లో నిండుగా మనకు కనిపిస్తుంది. మనుషులు తోటి మనుషులతో పంచుకోవాల్సిన అనుబంధాలను, నింపుకోవాల్సిన సౌందర్యాన్ని కూనపరాజు గారు తోలుబొమ్మలాట కథాసంకలనంలో పాఠకులకి ఆత్మీయంగా అందిస్తున్నారు.