Savarkar - Hindutva

Description

హిందూత్వ సిద్ధాంతాన్ని విశ్వసించే వారు భారతదేశ అధికార రథసారథులు ఈనాడు. ఈ పదం దానికి రూపకల్పన చేసింది వినాయక్ దామోదర్ సావర్కర్. 'హిందూత్వ' అనే వ్యాసాన్ని 1923 లో ఆయన ప్రచురించారు. ఈ వ్యాసంలో 'హిందూత్వ' అనే ఆ పదాన్ని కొత్తగా రూపొందించినా దీనిని హిందూమతంతో సమానంగా చూపేందుకు అనేకులు అదే పనిగా ప్రయత్నిస్తున్నారు. స్వామి వివేకానందగాని, స్వామి రామతీర్థగాని, ఆ మాటకొస్తే ఎంతో ఔన్నత్యంగల విశ్వాసాన్ని ప్రచారం చేసిన ఇతర మహత్తర వ్యక్తులెవరూ ఈ పదాన్ని ఉపయోగించలేదు. సావర్కర్ నిరీశ్వరవాది. మతం, తత్వశాస్త్రాల విషయంలో కృషి చేసేందుకు ఆయనకు సమయమేలేదు. ఆ ఒక్క నిజం చాలు 'హిందూత్వ' అనేది ఒక రాజకీయ తత్వశాస్త్రం తప్ప, మతంతో దానికి ఎలాంటి సంబంధం లేదని చెప్పేందుకు. ఆయన రాజకీయ కార్యకలాపాలలో మునిగితేలారు. తన విద్వేష రాజకీయాల కోసం చరిత్రను ఉపయోగించుకున్నారు.