Satya Harichandriyam

Description

సత్య హరిశ్చంద్రీయము

ప్రథమాంకము

నాంది

మ. వనవిల్తుండు చలంబునన్ బయిపయి అన్మాతంగ కన్యావిలో

కనసమ్మోహన బాణ మేసినను, న క్షత్రేశు డామీ ద జి

క్కని రేయెండలు: గుప్పుచున్నను దదేక ధ్యానవిన్యస్త చిం

తనుడై మాఱని రాజశేఖరుతపో • నైశ్చల్య మేలున్ మమున్.

గీ. భవన కారణ మీశ్వరు • మూర్తి యేది?

ఆస్తిక నిరూఢికెయ్యది • యాది మూల?

మఖిలధర్మంబులకునేది • యాటపట్టు?

అట్టి సత్యంబె యందఱ • నాశ్రయించు.

(నాద్యంతమున)

సూత్రధారుడు - అహెూ! యేమి నాపుణ్యము. నిరంకుశ నాటకాలంకార సాహితీ రససరోనిమజ్జన సముజ్జితమనఃకలంకులగు నీ పరిషజ్ఞను లేకెలం కులంజూచినందామయై నాటకభవన మలంకరించిరి. ఇంకను మారిషుండు ప్రవేశింప కున్నాడేమి?

మారి -

(ప్రవేశించి) బావా! (నలుదిక్కులు బరికించి) అయ్యా ! నేడేదియో నాటక ప్రయత్నమువలె నున్నది. రంగమంతయు యధావిధిగా నలంకరింపబడి యున్నది. అదియునుగాక -.........