Animutyalu Khandakavyam

Description

కడుపు తీపి

పుట్టకముందుకు కడుపులో - పెట్టుకొని మోసింది

పుట్టిన తరువాత వీపున - కట్టుకొని మోస్తుంది.

తన నుంచి విడిపోయి - ప్రపంచంలోకి వచ్చినా

తన రక్తాన్ని పాలగామార్చి - నిన్ను సాకింది

మిన్ను విరిగి - తన మీద పడ్డా

చిన్న ఇటుక పెళ్ళ కూడా నీ మీద పడకుండా

కంటికి రెప్పలా - భద్రంగా కాపాడుతుంది

అందుకే అమ్మఒడి - నీకు శ్రీరామరక్ష

పెరిగి పెద్దయిన - తరువాత

తల్లిని ఆదరించినా - అనాదరించినా

మరో బిడ్డకు - జన్మ ప్రదాతవై

స్వార్థంలేని ప్రేమతో - ప్రాణానికి ప్రాణంగా పెంచి

నీ కన్న తల్లిఋణం - తీర్చుకో

ఇదే మానవాళి - మనుగడకు

ప్రకృతి ప్రసాదించిన గొప్పవరం - కడుపుతీపి