Raati Mettu

Description

"వంశీ! చెక్ చేస్తావా...”

కింది నుంచి వెంకట్ కేక పెట్టాడు.

చూస్తున్న స్క్రిప్ట్ మీద నుంచి కళ్ళు కూడా పక్కకు తిప్పకుండా పైకి రా అన్నట్లు చేయి ఊపాడు వంశీ.

“ఒక్కసారి చూసుకో వంశీ ఈ శివలింగం. నాక్కాస్త డౌటుగా ఉంది. ముక్కలు ముక్కలుగా వచ్చింది కదా. బిగించారు. అక్కడక్కడా రంగు ఊడి పోయింది. ప్యాచ్ వర్క్ చేయాలి. ఎడ్జెస్ట్ చేద్దామా...” అన్నాడు

వెంకట్.

చేతిలో పేపర్లు పక్కనే ఉన్న గోడపైన పెట్టి, లేచి నిలబడ్డాడు. కిందికి చూస్తూనే ఉలిక్కిపడ్డాడు.

“ఒరే దివాకర్... ఎక్కడ నిలబడ్డావో చూడరా గుడ్డి వెధవా. సెట్లో సిగరెట్ తాగొద్దని వెయ్యిసార్లు చెప్పాను. సరిగ్గా అమ్మవారి ముక్కెరపైన కాళ్ళు పెట్టావు. అది కాస్తా ఊడి వచ్చిందనుకో, ఇవ్వాళ నీ పని ఔట్. దిగరా దొంగ వెధవా.. " కేకలు పెట్టాడు వంశీ..................................