Russian Janapada Kadhalu

Description

అద్భుతమైన బొమ్మలున్న పిల్లల కథలంటే మీలాగే నాకూ చాలా ఇష్టం. అలా మూడు వందల సోవియట్ ఇంగ్లీష్ పిల్లల పుస్తకాల్ని సేకరించాను. వీటిలో సుమారు రెండు వేల జానపద కథలున్నాయి. ఈ పుస్తకాలతో 'సోవియట్ సాహిత్యంతో ఓ సాయంత్రం' అన్న పుస్తక ప్రదర్శన కూడా నిర్వహించాను. మీలో ఎవరైనా ఆ పుస్తక ప్రదర్శన చూశారా? నేను సేకరించిన పుస్తకాల్లో నన్ను బాగా ఆకట్టుకున్నది 'సోవియట్ జానపద కథలు' అనే పుస్తకం.

నాకెంతో ఇష్టమైన ఆ పుస్తకాన్ని నేనే అనువాదం చేసి మీకు అందించాలన్న తపన కలిగింది. ఈ కథలు మిమ్మల్ని బంగారు కలల ఊహాలోకంలో విహరింపజేస్తాయి. మిమ్మల్ని రంగుల ప్రపంచంలోకి తీసుకువెళ్తాయి. పిల్లల కథల మీదున ప్రేమే నన్ను అనువాదకుడిని చేసింది. మీకోసం అనువాదం చేసిన ఈ కథలు చదివి మీ ఆనందం నాతో పంచుకుంటారు కదూ!

- అనిల్ బత్తుల