Inferiority Complex Adhigaminchandi

Description

హ్యూమన్ లైఫ్ ఈజ్ నేచర్స్ గిఫ్ట్ అంటే మానవజీవితం ప్రకృతి ఇచ్చిన వరప్రసాదం అనే విషయం అందరికీ తెలిసిందే. అందుకే ఆ జీవితాన్ని అందంగా, ఆనందంగా, శోభాయమానంగా తీర్చిదిద్దుకుంటే ఎన్నో ఉన్నత లక్ష్యాలను అధిగమించి విజయ సోపానాలను అధిరోహించే అవకాశం ఏర్పడుతుంది. అందుకు ఆత్మన్యూనతా భావం అడ్డనేకూడదు. ఎవరి జీవితాలను వారికి అనుకూలంగా మలచుకోవడం మీ చేతుల్లోనే ఉంటుంది.

ఎదో నలుగురితో పాటు నారాయణ అనుకోకుండా మీకంటూ ఓ గుర్తింపు, ప్రత్యేక గౌరవం కలిగేలా అందుకు తగిన మార్గంలో పయనించడానికి కృషి చేయాలి. అందరిలో మీరు దర్జాగా, హుందాగా ఆదర్శప్రాయంగా ఉంది, మిమ్మల్ని అందరూ ప్రశంసల వర్షంలో తడిపేస్తుంటే ఎలా ఉంటుందో ఒక్కసారి ఊహించుకోండి. అలాంటి మధుర క్షణాలు మీ స్వంతమవ్వాలంటే మీ లైఫ్ స్టైలును మార్చుకోవలసిన అవసరం ఎంతైనా ఉంది.